Id-Direttorat għar-Riċerka u l-Evalwazzjoni Interna tal-Iskejjel (RSIRD) jirċievi u jipproċessa talbiet għal data u informazzjoni li jaqgħu taħt il-kompetenza tal-Ministeru għall-Edukazzjoni, iż-Żgħażagħ, l-Isport, ir-Riċerka u l-Innovazzjoni (MEYR).
Ir-riċerkaturi jistgħu jużaw kwalunkwe data u informazzjoni li hija disponibbli għall-pubbliku mingħajr ma jfittxu l-permess tal-MEYR.
Ir-riċerkaturi li jeħtieġu data u informazzjoni, li ma tkunx disponibbli għall-pubbliku, għandhom ifittxu aċċess għal tali data u informazzjoni u permess biex jużawhom mingħand RSIRD. Dan jinkludi wkoll lil dawk ir-riċerkaturi li diġà għandhom aċċess għal data u informazzjoni minħabba l-impjieg tagħhom, peress li dawn huma awtorizzati biss li jużaw dik id-data għall-iskop tal-impjieg tagħhom, u mhux għal xogħol akkademiku.
Ir-riċerkatur huwa mitlub jipprovdi d-dettalji preċiżi tad-data meħtieġa u jiddikjara kif id-data se tikkontribwixxi għar-riċerka.
Ir-riċerkatur huwa awtorizzat li juża d-data pprovduta lilu biss għar-riċerka li għaliha tkun ingħatat l-awtorizzazzjoni. Meta r-riċerka tiġi ffinalizzata, id-data trid titħassar.
Ir-riċerkaturi li jixtiequ jestendu l-iskop tal-utilità tad-data li ngħatatilhom huma meħtieġa jitolbu estensjoni għal dan billi jibagħtu email li
Jekk jogħġbok imla l-formola online Talba għal-Data li tinsab hawn. (Jekk jogħġbok, tissottomettix applikazzjonijiet bi prova).
Jekk jogħġbok issottometti t-talba għad-data kmieni kemm jista’ jkun fil-proċess tar-riċerka tiegħek. Filwaqt li għandna l-għan li nwieġbu għat-talbiet għad-data fi żmien ġimagħtejn minn meta nirċivuhom, xi talbiet jeħtieġu aktar żmien biex jiġu pproċessati. Jekk jogħġbok illimita t-tfakkiriet fil-perjodu tal-ewwel ġimagħtejn, u wara dan il-perjodu tista’ tibgħat tfakkira lil rsird.meyr@gov.mt.